Cornell Dupree، ۱Tras,tيد سفي مۍسفا ډايکو ښادر پ
Cornell Dupree (* 19. Dezember 1942[1] in Fort Worth, Texas; † 8. Mai 2011) weer en US-amerikaansch Gitarrist in den Beriek vun de populären Musik, den Soul Jazz, Fusion un Rhythm and Blues, de as Sessionmusiker bi över 2500 Upnahmesessions mitwarkt hett.
Leven un Warken[ännern | Bornkood ännern]
Cornell Dupree speel mit twintig Johren in de R&B-Grupp vun King Curtis. Bald darnah fung he an as Sessionmusiker to arbeiten, so för Brook Benton („Rainy Night in Georgia“) un Künstler as Lou Rawls, Paul Simon, Barbra Streisand, Harry Belafonte, Lena Horne, Roberta Flack, Joe Cocker, Michael Bolton oder Mariah Carey. Dupree hörr ok van 1967 bit 1976 to de Tourneeband vun Aretha Franklin an un wark up tallriek Alben vun den Jazz, Soul Jazz, Funk un Fusion-Genre mit, as bi Carla Bley (Dinner Music), Billy Cobham (Total Eclipse), Hank Crawford, The Crusaders, Miles Davis („Red China Blues“, 1973), Les McCann (Invitation to Openess), Eddie Harris, Freddie King, Rahsaan Roland Kirk (Blacknuss, 1971), Herbie Mann oder Esther Phillips, de meest up den Atlantic-Label entstahn sünd, ferner as Orchesterliddmaat bi Big Band-Produktschonen vun Bobby Hutcherson, Elvin Jones, Grant Green (Blue Breakbeats), Grover Washington Jr. oder Bernard Purdie. Mit den Slagtüüchspeler nehm Dupree ünner eegen Naam 1974 dat Album Teasin' up, folgt vun Saturday Night Fever (1977) un Shadow Dancing (1978). In disse Tiet hörr he de Studioband Stuff an, de bi Warner Brothers ünner Verdrag weer un veer Alben inspeelt hett. Af Enn‘ vun de 1980er Johren nehm Dupree noch eeenig Jazzalben up; sien LP Coast to Coast (1988) wurr för en Grammy vörslahn. 2006 is he in Wien mit Les McCann un de Saxophonisten Ronnie Cuber in de All-Star-Band Soul Survivors uptreden.
Diskographisch Henwiesen[ännern | Bornkood ännern]
- Can't Get Through (1991)
- Uncle Funky (1992),
- Child's Play (1993)
- Bop 'n' Blues (1994)
Weblenken/Enkeld Nahwiesen[ännern | Bornkood ännern]
- Nahroop
- Cornell Dupree bi Allmusic.com
- Dupree in de Katalog vun de Deutsche Nationalbibliothek
- Personennaamdatei
- ↑ nfo.net