MummendörpLGg.2B0 hJ
Mummendörp is een Dörp op de Insel Fehmarn un een Stadtdeel vun de Stadt Fehmarn in den Kreis Oostholsteen in Sleswig-Holsteen.
- Grött: ca. 320 ha.
- Inwahners: ca. 90 (2006)
- Auto-Kennteken: OH (Oost-Holsteen)
- Telefonvörwahl: 04371
- Laag: In de Mitt vun de Insel Fehmarn in de Oostsee, Naberdörper sünd Landkarken, Blieschendörp, Teschendörp un Borg. Een kümmt na Mummendörp, wenn een na de Fehmarnsundbrüch de örste Affohrt nimmt und dann wieder na Landkarken föhrt. Bevör een na Landkarken rinkümmt, geit dat rechterhand na Mummendörp af.
Geschicht[ännern | Bornkood ännern]
In dat Waldemar-Erdbook vun 1230 ward dat Dörp Mummaenthorp betekend un harr 8,5 mansi Land.
De Schriever Klaus Groth hett vun 1846 bit 1852 nich wied weg von Mummendörp in Landkarken wahnt. Op de Mummendörper Steenbargskoppel is Groth to een vun siene bekannteste Gedichte anreegt woren: „Lütt Matten, de Haas, de maak sik en Spaß, he weer bi’t Studeern, dat Danzen to leer’n.“ Groth harr ankiekt, wie de Buern een Fossbuu utgravt un een doden Hasen funn hebbt.
Een ole Spottgedicht öwer Mummendörp geit so:
- „To Mummendörop, to Mummendörp dor eten se fette Göse
- un drink dorto dat brune Beer ut dicke blaue Kröse
- Opp de Mummendörper ehre Reep un wiete Marken
- dohr lehrt de Quardt-Marten dat stille un lute Quarken“
(ut: Ewald Höpner, Fehmarndörfer, Lübeck 1981, S. 70)