Rune9Aargef GD12Rr Eeéan p m Nu F097
|
Aj 't olde Germaanse schrift bedoelt, kiek dan bij Runes (skrift) |
Rune (Nederlaands: Ruinen) is een dörpien in de Drèentse gemiente De Wolden met zo'n 3.673 inwoners (CBS 2006). 't Dörp is hiel old: 't wör al in 1144 enuumd. Vrogger was Rune een zölfstandige gemiente, maor sins 1 januari 1998 is Rune grotendeels op-egaon in De Wolden. De grèenze löp tot kört bij Möppelt.
Geschiedenis[bewark | bronkode bewarken]
Rune wör al 1144 enuumd in olde geschriften, maor is waorschienlijk al iets older. Rune was vrogger een heerlijkeid. Dat betiekent dat 't dörp onder leiding van een heer stönd, zoas ook Coevern. Dizze heren waren de heren van Ruynen, en in een later stadium de heren van Münster. Dizze familie van Ruynen leafden op de Oldenhof, een havezate. De havezate is al lange vot, maor d'r stiet op ongeveer dezölfde stee een boerderi-je, met dezölfde name. In de tied dat Rune veur 't eerst enuumd wör, stönd d'r een klooster. Ook de kloosters bint d'r niet meer: de kloosterlingen, Benediktiener monniken, bint naor Dickninge, bij De Wiek, verhuusd. An dizze monniken hef Rune hiel veul te danken. Zo is de buurtschop Giesselte (Nederlaands: Gijsselte) ontstaon deurdat de monniken daor gingen ontginnen. Ook dankt straotnaomen hun naom an dizze monniken, zoas de "Munnikenweg" (en de "Munnikenbrogge") en de "Kloosterstraote".
Bezienswaordigheden[bewark | bronkode bewarken]
Rune hef veul bezienswaordigheden. Zo is d'r een Nederlaands-Hervormde Karke, met binnenin nog een klein stok van een fresco. Ook is er de museumboerderi-je "'t Pasmans Huus". Rune telt binnen 't dörp 5 kroegen, waorvan drei rond de "Brink".
Uutgaonde verwiezingen[bewark | bronkode bewarken]
- Webstee van Rune
|
Disse pagina is eschreven in 't Ruunders Drèents |