Сире Сомай0;·ans,_epenpe_Sca_SoFor_eKica Maan
Сире Сомай (рузкс Старая Самаевка) - велесь Мордовия республикса Мокша масторса, Лашмонь районца. Ащи 30 вайгяльбе Лашма ошть (Ковылкина ош) эзда.
Эрямопингоц[петнемс | править код]
Сире Сомай велесь ащи мокшень модаса. Сон шачсь пяк кунара. Корхтама коряс Сире Сомай велесь шачсь фкя пингста нинге кафта велетнень мархта: Терьган и Толку. Ня велетнень юрхца ульсь шава васта. Но пингонь ётазь ня вастненди састь колма братт: Сомай, Толку и Тирьга. Синь ладезь кудснон вастка, косот тяни велетне. Пингонь ётазь браттнень кудснон вакс кармасть путома кудт лия ломатть, тяфта арасть велетне. Сире Сомай велеть улихть кафта аф оцю ляенза: Толку ляй, Сяли ляй. Велеть вастоц аф мярьгомс виде, тяса лама пандонза, конатнень улихть эсь лемсна. Ули Сидоронь панда. Теенза мярьгихть Сидоронь, сяс мес пяк кунара тя пандса шавовсь од цёра Сидор лемса. Ули Шаманя панда. Сонь лемдезь тяфта сяс, мес ичкозде ванозь пандть лангс сон лятфтай ломанень шама. Сомайть перьф лама лашмода, ётксост Ялохань лашмось. Сиретнень корхтамаснон коряс ся лашмоса эйндась аля Ялоха лемса. Винань лашма, сонь лемдезь винань тиихнень инкса. Сомайть покса ули пора конань лемоц Ош (Ошпора). Тя порать мархта сюлмаф лама сире азкст. Ёткстост фкяса азови бта тя пораса лотксесь ваймома Емельян Пугачёвсь ушмадонц мархта. Нинге корхнихть бта синь калмазь салаф зрняснон и сияснон шавфнень мархта. Тяда меле тоса эряйхть аф азови тефт (миньцонок –«чудендай»). Аф ичкозе веленьконь эзда ули васта конанди мярьгихть «Мазы каль». Теенза максозь тя лемть ССРС-онь пингть. Велень аватне покадезь ся паксяса шобдаваста кучка шити псилгочнесть и валхнезь руцяснон прястост и повфнезь кальти, пингонь ётазь ичкозде ванозь кивок кизефнезь «Кальсь мазы?!» тя няфтьсь роди пинге молемс ярхцама. Сомаень колхозсь ульсь пяк вии. Эмбода пара пингоцоль мзярда колхозонь пря оцюнякс ульсь Кержаев В.К . Сонь пингстонза лама пара тев тифоль. Ушедозе тиемать оцю кить (асфальтть).
Ушеширень кучфтемат[петнемс | править код]
- Сире Сомай Викимапияса
- Оцю эрьхке Сире Сомай велеса
|
Тя апак шумордак сёрматфкссь. Ули мяльце сонь петнеманза ди поладоманза? Лезтт! |