D Carmen Fenk (* 12. Novämber 1979) isch e Schwiizer Sängerin und Songwriter vo Sevele im Sanggaller Rhytal.
Person[ändere | Quälltäxt bearbeite]
D Carmen Fenk isch 2004 di erschte Gwünneri vo de Schwiizer Castingshow MusicStar gsy. Sy hed d Schüry und s Publikum mit ihrere chreftige, ruuche Schtimm (ganz im Sinn vom Schüry-Mitglied Chris von Rohr, wo vo de Teilnähmere "Meh Dräck!" gfordered hed) und ihrem Power-Uuftritt ("Fenk-Motor") chönnen überzüüge. Mit ihrem Album Fenkadelic isch sie gad a d Schpitze vo de Schwiizer Hitparade vorgschtosse. Em enorme Erwartigsdruck hed die glehrti Radio-Färnseh-Elektrikeri und Moderatorin vo Radio-Sändige aber nur teilwys chönne schtandhalte.
Nach ihrem Solo-Album isch si 2005 und 2006 mit em Goschpelchoor Shelomith uf Turnee ggange.
Im Gägesatz zur zwoite MusicStar-Siigeri Salome Clausen wott sie Musigprofi blybe. Zu ihrem Siig hed si im Jänner 2007 imene Interview mit dr Basler Zitig gmeint, er sig für sii "Sägen und Fluech glychzytig" gsy, häigi ihre "so vili Türen uuftaa wie au zuegschperrt", sie sig derwäge "langi Zyt belächled" worde. Hero isch im 2008 ihren bisher letste Song gsi.
Diskographie[ändere | Quälltäxt bearbeite]
- 2004 Album FENKADELIC (Universal 986 675-0 (UMG) / EAN 0602498667507)
- 2004 Single IN LOVE WITH YOU AGAIN (CD-Maxi Universal 986 634-6)
- 2007 Album Fandangos in Space (Comet AK 378 / EAN 8026575378117)
- 2015 Album eleven (Carmen Fenk / EAN 642738984124)
Weblinks[ändere | Quälltäxt bearbeite]
- Website vo de Carmen Fenk
- Ihri Präsenz i de Schwizer Hitparade
- Carmen Fenk im Interview über ihren Glaube
- Infos zu ihrem Engagement bim Gospelchor Shelomith (Site cha nüme abgrüeft wärde; Suche im Webarchiv)