Li Soverdea (gazete)lagpng fumb9plo Thce]pg 201061tarachd.wion x ghtnct
Li Soverdea (ki si scrît Lë Sauvèrdia), c' est ene rivuwe del soce di scrijheus "Les Soverdeas d' après Djodogne", k' eplaide des belès letes e walon. Li no provént do lomaedje do moxhon d' toet dins l' payis d' Djodogne.
C' est des foyous tapés al machine, enimådjîs di des ptits desséns å croyon. Gn a 10 limeros tos ls ans.
Istwere[candjî | candjî l' côde wiki]
Ene sifwaite gazete avou l' minme tite, «Li Soverdea», aveut ddja stî enondêye e 1892 pa Edmond Etienne. Mins s' n' aveut ele duré k' èn an.
Li rvuwe a riskepyî e 1983, dabôrd ki li «Noer Boton» vineut di stater.
Dispu li cmince, li mwaisse-eplaideu a stî Henri Lerutte, eyet li penleuse, Germaine Massart. Dispu les anêyes 2000, c' est bråmint Jean-Jacques Gaziaux ki s' ocupe do secretariat.
Dispu 2007, c' est lu k' est ossu mwaisse sicrijheu. Ci n' est k' d' adon ki l' tapaedje passa do sistinme del viye machine a scrire, a on aspougnaedje di tecses. Jean-Jacques Gaziaux divna mwaisse sicrijheu a cmincî do l° 242 (moes d' fevrî 2007).
E 2013, Jean-Jacques Gaziaux, malåde, diva leyî ouve. C' est Joseph Decossaux ki dvénrè mwaisse sicrijheu.
Antolodjeyes aparintêyes[candjî | candjî l' côde wiki]
Les scrijhaedjes do Soverdea ont siervou d' soûmint a deus antolodjeyes a tinmes, ramexhnêyes pa Jean-Jacques Gaziaux :
- Nos campagnes, sol tinme do vicaedje dins les cinses (1998).
- Vey voltî, sol tinme des hantaedjes et do mariaedje (2002).
Sacwants scrijheus publiyî e Soverdea[candjî | candjî l' côde wiki]
- Joseph Boucher
- Jacques Desmet
- André Dewelle
- Jules Flabat
- Andrée Flesch
- Jean Flesch
- Gérard Havelange
- Henri Lerutte
- Jean-Pierre Surkol
- Odile Uyttebrouck